සෙවනැලි ගිනිගෙන දැවෙනා
බිම් කඩ අත හැර දුවන්න..
සිසිල සදන නිල් ගහකොළ
සෙවණක මොහොතක් රැඳෙන්න
සිතිවිලි මැවු සිහින පොදිය
හිමි සඳ හා බෙදාගන්න..
මං යනවා ලංකාවට
ඒ හීනෙට නමක් දෙන්න.
අම්මා එන මඟ බලනා
රන් පුතුගේ උස බලන්න...
සුදු දුව එනතුරු හිනැහෙන
අම්මාගේ මුව බලන්න...,
පෙම්බර හිමි අතින් මැවෙන
පුංචි ගෙදර හැඩ බලන්න..
මං යනවා ලංකාවට
පුතු මුව හසරැල් දකින්න.
No comments:
Post a Comment
ඉපනැල්ල සරු බිමක් වී තව තවත් සුවද මල් පූදින්නට, ඔබේ තබන සටහන මල් වැස්සක්ම වේවා !!