Saturday, December 14, 2013

මම නොවන මම




එක් වසන්ත සමයක
වෙනදාට වඩා මල් පිපී තිබුනා..
වෙනදා නොදැනුනු සුවඳක්
හදවතට දැනුනා..
මම මොබයිලේ තුරුලු කරගෙන

ඔබ සමඟ කොඳුරමින් සිටියා..
ඔබ දහස් ගවුවක් දුර වුව
අත ලඟම හිඳී යයි දැනුනා.

 "IDD කාඩ් වලට ඔබට හුඟක් වියදම් නොවැ..
මම එහෙනම් තියන්නම්.."

"නෑ ඔයා කතා කරන්න​.
මම අහගෙන ඉන්නම්.."

මම ඉතින් හදවතම විවර කර
වචන බවට පෙරලුවා..
ඔරලෝසුවෙ තත්පර කටු විනාඩි කටු
පැය කටුව එක්ක තරඟෙට දිව්වා..
අපි එක වහලක් යට කූඩු වෙලා හිටියා..


"මොකද අනේ හැම තිස්සෙම කියවන්නෙ?
නැන්දම්මා වගේමයි.."

මේ ඔබමද ඔබේ හඬද?
මට සිතුනා..
මම ගල් වුනා.. ගොලු වුනා..  ...
හදවතේ ගැඹුරු තැන්

බිඳුනු තැන් රිදුනු තැන්
වසා දැමුවා..
නවතන්න බැරි ජීවිතය ගලා ගියා..
දහසක් ගැටුම් වැටුම් මැද​
මම නොවන මම කෙනෙක් බිහිවී තිබුනා..

ඊස්ට් ඕ වෙස්ට්.. හෝම් ඊස් ද බෙස්ට්.. ( Home sick)



"බුදුරජාණන් වහන්සේ මේ වනගත පාරේ ගසක් යට වැඩ හිඳ කුමක් කරන්නේදැයි විඩුඩභ කුමරු විමසූ විට උන්වහන්සේ කුමරුට ප්‍රකාශ කළේ මාගේ නෑදෑයන්ගේ ඇඟේ හැපී කිඹුල්වත් නුවර දෙසින් හමා එන සුළඟ පවා සිතට සුවඳක් සේ දැනෙන බවයි."  සියලු කෙලෙස් සන්සින්ඳවූ බුදුන් වහන්සේට වුවත් තම ගම් බිම් පෙදෙස නිරාමිස සුවයක් ගෙනා බවට සැකයක් නැහැ.
 
ආර්ථික සැඩ​  පහරට අසු වෙලා එහෙමත් නැත්නම් අද්‍යාපනික අවශ්‍යතා වෙනුවෙන් කුමන මහාද්වීපයක කුමන රාජ්‍යයක ලැගුම් ගෙන සිටියත් පොඩි ඉඩකට හරි ලංකාවට දුවගෙන යන්න අපි කැමතියි. පුංචි කාලෙ
 2 වසර සිංහල පොතේ තිබුනු "පුංචි අපට සිරි සැප දෙයි සිරි ලංකා දීපේ.." කියන කියමන අදට ඒ තරම් වලංගු නැතත් ඉපදුනු මව් බිමේම ජීවත් වෙලා මැරිලා යන්න ඕනෙ කියන්න තරම් රට ගැන මහා ආදරයක් ඉතුරු වෙලා නැතත් ලංකාවට මටත් යන්න ඕනෙ කියන්න හේතු තියෙනවා..
 

අංක 1:  මම මෙහෙ හිටියට මගෙ ඇස් දෙක ලංකාවෙ..

අංක 2:  ඔමාගෙ ලිපියකින් අහුලගත්ත "සඳ හාමිනේ මගේ දරුවන් උකුලෙ තියා"  ගීතයේ වගේ උන්ට මාව  අමතක වෙයිද කියන බය​..

අංක 3:  අම්මා උයන පොළොස් මාලුවක රස බැලීමේ ආසාව​..

අංක 4:  හැමෝම ලංකාවට දුවන මේ කාලෙ මටත් ගෙදර දුවලා එන්න පොඩි අවස්තාවක් ලැබිලා තියෙනවා..

ඔන්න ඔය කාරණා නිසා මටත් මේ දවස් වල හෝම් සික් වගේ වගේ..

"හෝම් සික්"  ගැන ලියවුනු මම අහපු ලස්සනම ගීතයක් තමයි මේ තියෙන්නෙ...

http://www.ananmanan.lk/free-sinhala-mp3/song/1107/kiri-wehera-wanda-wage-lakshman-hewawitharana-sinhala-mp3.html

 
ගායනය : ලක්‍ෂ්මන් හේවාවිතාරන
රචනයනම් කාගෙද කියලා හොයා ගන්න බැරි උනා.

මේ ගීතය මම දාලා තිබුනෙ අම්මා ගැන සින්දු  තියෙන ෆෝල්ඩර් එකේ උනත් මේක අයිති " හෝම් සික් " තේමාවට කියලා මට දැන් හිතෙනවා..
ඒකට දාන්න පුලුවන් තවත් ගීත ගොඩක් තියෙනවා...
( තවත් මතක් උනොත් පහලින් කොමෙන්ටුවක් දාන්න​.)

මේ හැම සිංදුවෙම තියෙන අදහස තමයි තමන් ගෙ ආදරනීයයන් ලඟ දැනෙන සුවයට සැනසීමට අපි ලෝබයි කියන ඇක​.

ඒත් මේ පහළ සින්දුවෙ තියෙන්නෙ "හෝම් සික්" කාරයන්ට විරුද්ද වාදියෙක් කියන සින්දුවක්. සරසවි නිවාඩුවට ගෙදර යනකොටත් තමන්ට අමතක කරන්න බැරි දෑස වෙනුවෙන් තමයි මේ ගීය ගැයෙන්නෙ..

http://www.youtube.com/watch?v=Xat0pUshRsM



කොහොම උනත් අපි රැඳෙන්න කැමති අපිට ආදරේ කරන අපි ආදරේ කරන අය ළඟ සහ අපට සුවය සලසන පරිසරයක කියන එකනම් සදාතන සත්‍යයක්...

Saturday, December 7, 2013

අමුතු වැඩ (කරලාම බලන්න)


මේ පින්තූරෙ දැක්කම මොකද හිතෙන්නෙ?  මටනම් මේක මහ හිසරදයක්.  නොදිරන බව දැන දැන කුනු වලට දාන්ඩත් බැහැ. එහෙමයි  කියලා ඔක්කොම ගෙයි තියාගන්ඩත්  පුළුවන්ද? මම ඉතින් ගමනක් යනකොට හරි වතුර ටිකක් දාගෙන යන්න පුලුවන්නේ කියල 2,3 ක් සෝදලා තිබ්බත් අපෙ රන්කැටේ  (ප්‍රාණය සරි පුත්‍ර රත්නය )  ඒවයේ මුඩි නැති කලාම වටිනාකමක් ඇත්තෙම නැහැ.

ඔන්න ඉතින් මට හම්බ උනා හොඳ විසඳුමක් . https://www.facebook.com/MiniInTheBox?ref=br_tf
පිටුවට ස්තුතිවන්ත වෙනවා මේ ලස්සන අදහස් බෙදා හදා ගත්තට.


(1) බලන්න ගෙදරට කෙනෙක් ආවාම පුංචි පුංචි දේවල් ගොඩක් පිළිගන්වන්න හොඳ විදියක් නේද?


( 1. අවශ්‍ය උස ප්‍රමාණය අනුව කපා ගන්න. 2. දාරය හොඳින් මටසිලුටු කරගන්න. 3,4. දාගෙන  කන එකයි   තියෙන්නෙ.)

(2) මේ නොදිරන දේ නැවත නැවතත් භාවිතා කරන එක අපට වගේම රටටත් හොඳයි. මේ පේන්නේ ඒ වගෙ හදපු විසිතුරු බඩු සහ පලදායී බඩු කිහිපයක්. 


(1. මල් බඳුනක්   2. විසිතුරු බඩු  3. සෙල්ලම් බඩු  4.කුඩා තසිම්  5. සඟරා රඳවන  6.  අසුරන  7. පෑන් රඳවන  )

(3)මේ වැඩෙත් ප්ලාස්ටික් බෝතල් වලින් කරන්න පුලුවන්. බෝතල් වගේ කපන්න අමාරුත් නැහැ. මටනම් හුඟක්ම හිතට ඇල්ලුවෙ මේ වැඩේ. වතුර දාන්න අමතක උනාට ගස් මැලවෙන්නෙත් නෑනේ. මෙතන තියෙන ඒවයින් මම අත්හදා බැලුවෙ මේක විතරයි. (රන්කැටේ වැඩි දුර පර්යේශණ  නොකලානම් මගෙ ගහ තාමත් පණ පිටින්. )

( 1.බඩ මැදින් කපා ගත්  බෝතලයේ උඩ කොටස    2. දැලක දැවටූ මහත නූලක් අඩියෙන් පහලට දමන්න. 3. දැන් එයට පස් පුරවා ගස සිටුවන්න. 4. බෝතලයෙ යට කොටසට වතුර පුරවා ඒ උඩින් උඩ කොටස තබන්න. (නූල වතුරේ ස්පර්ශ විය යුතුයි. ))
(ඔය හැදෙන්නේ හෝ ගාලා)



(4)  චූටි  චූටි පෙන්ග්වින්....




Tuesday, December 3, 2013

දුක සැප

   

 ( ආභාසය: "නොමියෙමි" - මහගම සේකර )


“  දුක් විඳින්නම ඕනෙලු සැප ගන්න
කවුදෝ කිව්වා
කවදාද මන්දා..
 

හොඳයි ඒකත් කරලාම බලමුකෝ...

නිදි වරාගෙන වනපොත් කල විභාගය


ඉහලින්ම ගොඩ ගිහින් තිබුණා
ඒකනෙ කියන්නෙ


“ දුක් විඳින්න වෙන්නෙ තව ටික කාලයයි
මොකක්?
තව ඉවර නැද්ද?
අනේ අපොයි සරසවි තුරුළේ
කන්ඩත් නෑ නිදියෙන්ඩත් නෑ. 
යන්තම් අවුරුදු හතරකින්
ගොඩ ගියා කියමුකෝ
කෝ අර කියපු සැප ?
රස්සා පෝලිම්
තරග විභාග
අන්තිමේටම ආන්ඩුවෙ රස්සාවක් අතේ


අනේ අපොයි !
මෙතනනෙ දුක පටන් ගන්නෙ
දහ අතේ ණය
දරුවන්ගෙ අසනීප
උදේ හවස බස් වල තෙරපිල්ල
“ දුක් විඳින්නත් ඕනෙ තමයි ඔය වයසෙදි 
ආයෙත් කවුද කියනවා...
 
බිත්තියේ ඇණයකින් එල්ලෙන බුද්ධ රූපෙ
 
මට හිනා වෙනවා
 
තණ්හාය ජායතී සෝකෝ

Monday, December 2, 2013

එකක්ද නැත්නම් දෙකක්ද?



අපට නිතර ඇහෙන මේ වචන වල තේරුම් ඔබටත් පැටලුනාද? මේක හොයා ගත්තෙ මේල් එකකින්. බලන්නකෝ වැදගත් වෙයිද කියලා....

  •  


බලපානවා (Affect) යනු ක්‍රියාවකි. බලපෑම (effect) යනු නාම පදයකි.
කිසිවක් බලපායිනම් එය බලපෑමකි. උදා: ගොඩනැගිල්ලක් (effect) ගොඩනගයි (affect).


Crocodile සහ Alligator යන දෙවර්ගයම කිඹුල් විශේෂ වේ. මේ දෙවර්ගයම මිරිදියේ ජීවිතය ආරම්භ කරයි. නමුත් ඇලිගේටරයා කලු පැහැයෙන් යුක්ත වන අතර ක්රොකඩයිලයා ඔලිව් දුඹුරු පැහැයෙන් යුක්ත වේ. ඇලිගේටර්ට ඩැහැගත් ගොදුර කාර්යක්ෂමව ඇඹරීම සඳහා U හැඩැති හොම්බක් හිමි අතර ක්රොකඩයිල්ට පහසුවෙන් මාලු අල්ලාගැනීම සඳහා V හැඩැති හොම්බක් හිමිය.
  •  



මූලිකවම නැව (Ship) ප්‍රමාණයෙන් විශාල වේ. බෝට්ටුව ( Boat) ටොන් 500ට අඩු බරක් සඳහාද නැව ඊට වැඩි බරක් සඳහාද යෝග්‍ය වේ.
නැවක බෝට්ටු වුවද ප්‍රවාහනය කරයි. ( උදා: ජීවිතාරක්ෂක බෝට්ටු ආදිය) නැවක භාන්ඩ ප්‍රවාහනය සඳහා බලපත්‍රයක් අත්‍යවශ්‍ය වන අතර බෝට්ටු වලට එය සෑම විටම බලනොපායි. නමුත් ධීවර බෝට්ටු සඳහා බලපායි.
සමහර විට මෙම අර්ථ දැක්වීම රටින් රටට වෙනස් විය හැක.




මේ වදන් තුනම නිතර මිශ්‍ර වශයෙන් භාවිතා වුවද ඒවායෙහි පැහැදිලි වෙනස් කම් පවතී. Stock යනු එලවලු හෝ මාංශ තැම්බීමෙන් එහි සාරය කැටි වූ දියරයකි. එහි ලුනු අඩංගු නොවේ. ඔබ එය රස ගැන්වීමට ලුනු දැම්මේනම් එයට Broth යන නම භාවිතා කල හැක. එය එක් සුප් (Soup) වර්ගයක් පමණකි. සුප් එකක් යනු රස ගැන්වූ දියරමය ආහාරයකි. එය දියාරු හෝ මඳක් ඝන විය හැක. Stock එකක්නම් එය ලුනු, කුලුබඩු ආදිය යොදා රස ගනවන තුරු අහාරයට ගත නොහැකි බැවින් එය සුප් එකක් ලෙස වටහා නොගන්න.
  •  



සමනළයා ( Butterfly ) දිවා කාලයේ දැකිය හැකි අතර සලබයා (Moth) දැකිය හැකි වන්නේ රාත්‍රි කාලයේය.සමනළයාගේ ස්පර්ශක( Antennas) අගින් ගැට ගැසුනු සිහින් දිග ඒවා වන අතර සලබයාගේ ස්පර්ශක කෙටි ලොම් සහිත ඒවා වේ. නින්දේදී සමනළයා ත‍ටු හකුලාගනී. නමුත් සලබයාගේ ත‍ටු සෑම විටම දිග හැරී පවතී. 
  •  



කාලගුණය (Climate) අදට වඩා හෙට වෙනස්ය. එය නිශ්චිත ප්‍රදේශයක නිශ්චිත වේලාවක තත්වය කියා පායි. ( උදා: අද තෙත් සහිත උනුසුම් කාලගුණයක් පවතී. ) දේශගුණය ( weather) යනු එක්තරා ප්‍රදේශයක දීර්ඝ කාලීන කාලගුණ රටා අධ්‍යයනය කිරීමෙන් නිගමනය කල හැකි තත්වයකි.
  •  



මුලදී "බැඩ්ගේ බීම" ලෙස හැදින්වූ පෙප්සිකෝලා (Pepsi ) සොයාගනු ලැබුවේ 1893 දී උතුරු කැරොලිනාහිදීය. පෙප්සිකෝලා යන නම යෙදුනේ එහිදී හඳුනා ගැනුණු නව එන්සයිමය " පෙප්සින්" නිසාවෙනි. ප්‍රධාන විෂමතාවයනම් පෙප්සි පැණි රසින් වැඩි වීම සහ දැඩි කෝලා රසයයි. ඒ හැරුනු කොට ඒවායෙහි අන්තර්ගතය සමානය. කෝක් ( Coke) හි පළතුරු රසය සහ පෙණ ගතිය මඳක් වැඩිය.
  •  



ඇමෙරිකාවේදී මේ දෙකම බොබෝ දුරට එක සමාන වේ. අතුරු මාරු වශයෙන් යෙදේ. විද්‍යාලය (Collage) සහ විශ්ව විද්යාලය ( University) යන දෙකම උපාධි ප්‍රදානය කරන ආයතන වේ. පොදු රාජ්‍ය මණ්ඩලීය රට වලදී මෙහි යෙදීම පැටලිලි සහගතය. විටෙක (Collage) යනු විශ්වවිද්‍යාලයකට  අනුබද්ධ පාසලක් විය හැකිය. පාසල  (Collage) උපාධිය සඳහා ළමුන් සූදානම් කරන අතර අනුබද්ධ විශ්වවිද්‍යාලය උපාධිය ප්‍රදානය කරනු ලබයි. නමුත් සමහර බ්‍රිතාන්‍ය පාසල් ඇත්ත වශයෙන්ම ද්වීතියික පාසල් ( Secondary School) පමණක්ම වේ. 
  •  





Ghost යනු මිනිස් සිරුරෙන් ඉවත් වූ ආත්මයකි.  Ghoul යනුවෙන් යෙදෙන්නේ මිනිසුන් ලෙස කිසිදා ජීවත් නොවූ වෙනම භූත කොට්ඨාශයකි. අරාබි පුරාවෘත ඇසුරෙන් පැමිණි Ghoul  සංකල්පය සොරාගත් මෘත ශරීර සහ කුඩා ළමුන් ආහාරයට ගන්නා  භූතයෙකි. 

  •  
 




මහා බ්‍රිතන්‍යය ( Great Britain )  යනු භූගෝලීය වශයෙන් එංගලන්තය , ස්කොට්ලන්තය සහ වේල්සය යන කොටස් තුනෙන් සැදුම් ලත් ප්‍රදේශයයි. මෙයට අයර්ලන්තයද එක් වූ විට පොදුවේ එක්සත් රාජධානිය ( United Kingdom)  ලෙස භාවිතා වේ.

  •  


  HIV යනු මිනිසාගේ ස්වභාවික ප්‍රතිශක්තිකරණ පද්ධතියට හානි කරන වෛරසයකි. නිසියාකාරව ප්‍රතිකාර ගැනීමෙන් මෙම වෛරසයෙන් හානියක් නොමැතිව වසර ගනනක් ජීවත් විය හැකිය. නමුත් ප්‍රතිකාර නොගැනීමෙන් වෛරසය වර්ධනය වූ විට එම තත්වය AIDS ලෙස හැඳින්වේ. AIDS වැලඳීමෙන් පසු එම පුද්ගලයාට තව දුරටත් රෝග වලට එරෙහිව සටන් කිරීමේ හැකියාව නැති වී යන බැවින් ඔහු හෝ ඇය සුළු සෙම්ප්‍රතිශ්‍යාවකින් වුවද මිය යා හැක. 

  •  


 සෑම සැඩ කුනා‍ටුවක්ම ( hurricane )  කුනා‍ටුවකි ( Cyclone) . එහෙත් සෑම කුණා‍ටුවක්ම ( Cyclone)  සැඩ කුණා‍ටුවක් ( hurricane )  නොවේ. සැඩ කුණා‍ටුවක් වීමටනම් එය පැයට සැතපුම් 74කට වඩා වැඩි වේගයෙන් හමා යා යුතුය. බොහෝ විට නිරිත දිග පැසි‍ෆික් සාගරයේ හා ඉන්දියන් සාගරයේ කුනා‍ටු ඇති වන අතර අත්ලාන්තික සහ නැගෙනහිර ශාන්තිකර සාගරයේ සැඩ කුණාටු ඇති වේ.





  මේ දෙවර්ගයම සිංහලෙන් පොකිරිස්සා ලෙස හැඳින්වේ.  නමුත්  Lobster කරදියේද Crayfish මිරිදියේද වසයි.  Crayfish ප්‍රමාණයෙන්ද කුඩාය. 
 



සිංහලෙන් බෙහෙත් පෙත්ත හෝ බෙහෙත් ගුලිය ලෙස යෙදේ. නමුත් වෙනසනම් Pill යනුවෙන් හැදින්වීමටනම් එය අනිවාර්යෙන්ම රවුම් හැඩයෙන්ම තිබිය යුතුය. නමුත්  Tablet ඕනෑම හැඩයකින් විය හැකිය. 




 


ජාතිය( Race )  යනු ඒකීය ලාක්ෂණික සහිත මිනිස්  ප්‍රභේද වේ. මානවවංශිකත්වය (Ethnicity )  යනු සංස්කෘතික සම්ප්‍රදායකි. ඔබේ ජාතිය "කළු" විය හැකිය. නමුත් මානවවංශිකත්වය  "කළු" විය නොහැක.
මානවවංශිකත්වය යනු සිරිත් විරිත් ඇසුරෙන් ගොඩ නැගුනු සම්ප්‍රදායයි. එය ඔබ ජීවත් වන කලාපය අනුවද කලින් කලටද වෙනස් විය හැකිය.

  •  

  •  බොහෝ දෙනෙකු සිතන්නේ කූනිස්සා (Shrimps)  ඉස්සාට( Prawn)  වඩා කුඩා බවයි. එහෙත් එය එසේ නොවේ. මන්ද විශාල කූනිස්සන්ද කුඩා ඉස්සන්ද හමු වන බැවිනි. ඔවුන් එකම ගෝත්‍රයකට අයිති වුවද උප ගෝත්‍ර දෙකකට අයිතිය.  ඔබ ආහාරයට ගන්නේ ඉස්සෙකුද කූනිස්සෙකුද යන්න දැනගැනීමට කැමති නම් කෙළවර පට්ටක ( Plates) පරීක්ෂා කරන්න. කූනිස්සාගේ දෙවන පට්ටකය පලමු සහ තුන්වන පට්ටක අතිච්චාදනය ( overlap)  කරන අතර ඉස්සාගේ දෙවන පට්ටකය තුන්වන පට්ටකය අතිච්චාදනය කරයි. 

 ( වැරැදි ඇත්නම් සමා වෙලා කියා දෙන්න හොඳේ....)