නික්මී යන්නෙමි

 
දිවි හිමියෙන් පැදකුනු කළ පුදසුන
අන් සතු මල් ගෙන සැරසී උන් සඳ
නික්මී යන්නෙමි මේ බිම හැරදා
අන් මගකුත් නැත මේ මග මතු නොව

ඔබයි පෙන්නුවේ දිවි මග සළකුණු 
ආලෝකය සහ අඳුරෙහි වෙනසත්
එහෙත් සබඳ ඔබ හිරු සේ දිලෙමින් 
එළිය කළේ මගෙ ලොව පමණක් නොව

නික්මී යන්නෙමි මේ බිම හැරදා
අඳුරු ගුහාවක සීතල සෙවනට
තනියට මා ලඟ ඉතිරිව ඇත්තේ 
ආත්මගත වූ මතකය පමණකි

අවසානය තව දුරකද නොදනිමි
ඔබ ගැන සිතිවිලි මතකය පමණකි
ආ මග දෙස යළි හැරී බලන්නට
එකම එක වරක් අවසර දුන මැන..