මිනිස්සු මිනිස්සු මිනිස්සු ..
වාහන අරන් දුවන මිනිස්සු
මිනිස්සු අරන් දුවන වාහන
වාහන නැති මිනිස්සු
මිනිස්සු නැති වාහන
පාර පුරා රෝද රෝද
පාර අයිනෙන් මිනිස් ගඟ
අඳුරට කලින් ගමට දුවන මිනිස්සු
මිනිසුන්ට කලින් ගමට දුවන අඳුර..
අන්තිම බසයට පොරකන මිනිස්සු
දිනන මිනිස්සු පරදින මිනිස්සු
අන්තිම බසයට පස්සෙ බසය එත්දැයි
මඟ බලන මිනිස්සු..
මව් පිය සෙනෙහසට විකල්ප නැති නිසාවෙන්
අදුරට කලින් ගෙදර දුවන මිනිස්සු ..
කලබල මිනිස්සු
කලබල නැති මිනිස්සු
පිට්සා හට් වල ෆුඩ් සිටි වල කල් මරන
කලබල නැති මිනිස්සු ..
ඒ ලඟ පිළිවෙලට නවතා ඇති
මිනිස්සු නැති වාහන
ඒ දෙසවත් නොබලා හැල්මේ දුවන
වාහන නැති මිනිස්සු ..
අන්තිම බසයට පොරකන මිනිස්සු ...
No comments:
Post a Comment
ඉපනැල්ල සරු බිමක් වී තව තවත් සුවද මල් පූදින්නට, ඔබේ තබන සටහන මල් වැස්සක්ම වේවා !!