දුක සැප

   

 ( ආභාසය: "නොමියෙමි" - මහගම සේකර )

“  දුක් විඳින්නම ඕනෙලු සැප ගන්න”

කවුදෝ කිව්වා
කවදාද මන්දා..
 

හොඳයි ඒකත් කරලාම බලමුකෝ...

නිදි වරාගෙන වනපොත් කල විභාගය


ඉහලින්ම ගොඩ ගිහින් තිබුණා

ඒකනෙ කියන්නෙ


“ දුක් විඳින්න වෙන්නෙ තව ටික කාලයයි ”

මොකක්?

තව ඉවර නැද්ද?

අනේ අපොයි සරසවි තුරුළේ

කන්ඩත් නෑ නිදියෙන්ඩත් නෑ. 

යන්තම් අවුරුදු හතරකින්

ගොඩ ගියා කියමුකෝ

කෝ අර කියපු සැප ?

රස්සා පෝලිම්

තරග විභාග

අන්තිමේටම ආන්ඩුවෙ රස්සාවක් අතේ


අනේ අපොයි !

මෙතනනෙ දුක පටන් ගන්නෙ

දහ අතේ ණය

දරුවන්ගෙ අසනීප

උදේ හවස බස් වල තෙරපිල්ල

“ දුක් විඳින්නත් ඕනෙ තමයි ඔය වයසෙදි ”

ආයෙත් කවුද කියනවා...
 

බිත්තියේ ඇණයකින් එල්ලෙන බුද්ධ රූපෙ
 

මට හිනා වෙනවා
 

“ තණ්හාය ජායතී සෝකෝ ”